Vaar lilawn thar sak ṭheh fel zo, On-puai tuah lawng hmabak

Kum 2018 ihsin sak thok mi Falam-Kalay kar lak ih um Vaar lilawn ahmat 2 cu ṭhehfel a si zo ih tukum 2020, October thla sung ah on-puai tuah ding in beisei a si.

VP2 Pu Henry Van Ṭhio, Chinram cozah le ဆောက်လုပ်ရေး ṭuanvonei relrem nakin October 27 ah Lilawn on-puai tuah thei beisei a siih hih thu thawn pehpar in Chinram CM Pu Salai Lian Luai cun “Vaar lilawn ahmat 2 kan nei thlang ih mipi hrang ah a remcang zet. Furpi a thleng tikle tilian in Vaar lilawn a khuh hlo pang pei maw tiih ruah har ringring ṭual nawnlo dingin Vaar Lilawn ahmat 2 cu saksuak a si zo.”

“VP2 Pu Henry Van Ṭhio hnen khal ah simthan zo a siih amah, Chinram cozah le ဆောက်လုပ်ရေး ṭuanvonei relrem nakin October 27 ah Lilawn on-puai tuah thei beisei a si” a ti.

Vaar lilawn cu Saklam Laitlang ih um Falam, Hakha le Thanthlang khua pawl hrang ih ei le in ṭulhei poimawh lak bik nak Sagaing fehnak ziinpi ah a um ih Lilawn ahmat 1 cu Kum 2015 tilian ṭum ah ṭihnung dinhmun tiang a rak thleng ruangah khar lawk a rak si dah.

Cuih ṭum ih hmuhtonmi harsatnak ruangah Vaar lilawn ahmat 2 cu sak sal a siih tu ah ṭhehfelfai zo in on-puai tuah ding lawng a hmabak thlang a si.

Vaar lilawn thar ahmat 2 cu 557.77 feet sau, feet 30 kau, feet 9.843 a sang ih ting 4050 kyat cemliam ih sak mi a si.

Hram:IPRD Falam

Leave a Reply

Your email address will not be published. Required fields are marked *

error: hahahahahaha !!