Hakhalay doawknak ah CNDF ralkap pakhat in ram le miphun hrang nunnak hlan

Tuni, July 11, Thlanglam Kalaymyo, Hakhalay khua kiang doawknak ah CNDF ralkap pakhat thi in hriam tuar 3 le Ranger Kalay Defend Force ihsin ralkap pakhat pawl in hriam an tuar tiah Zalen thuthang in a tarlang.

Ram le miphun hrang nunnak hlantu CNDF ralkap cu naute 4 pawl ih pa a si ih kum 37 hrawng mi a si.

Hriam tuar Ranger Kalay Defend Force ralkap cu a Kawng 2 le a serh pawl ah bomb in a perh ngah ih atu ah tuamhlawm in a um.

Chin ramri ah Mipi ralkap le ralhraang an doaw

Thazaang 200 hrawng a si mi ralhraang ralkap cu July 10 ah Hakhalay lam an pan ih tu ni July 11 sunlai hrawngin PDF Kalay le hriamkai ṭangkop pawl thawn Hakhalay khua kiang ah an kapaw.

Ralhraang ralkap hin khawmi 10 hrawng ralkhamphaw ah kai in hram lak ihsin Ke thawn hmunram an nor ih mipi ralkap pawl thawn an doaw mi a si.

Laitlang ah maw an kai tum, khawi hmun an pan tum ti cu felfai in theih fiang a si lo ih mipi ralkap pawl thawn nasaten an doaw ruangah Thlanglam Kalay lam pan lo dingin Mipi ralkap in Khawmi pawl thu an than a si.

Leave a Reply

Your email address will not be published. Required fields are marked *