Hakha peng Doawknak ah Paralṭha Salai Cung Peng Lian nunnak liam

Hakha peng, Surkhua kiang ih SAC ralhraang le mipi humtu PDF doawknak ah mipi lam in kum 20 mi Salai Cung Peng Lian nunnak liam tiah theih a si.

Matupi-Hakha ziinpi ah May 31 ihsin SAC ralhraang le PDF an kapaw thok tiah thuthang a suak ih boruak thu felfai suah a si hrih lo nan, CW cun June 3 ah PDF ralkap Salai Cung Peng Lian nunnak a liam tiah a tarlang hi a si.

Ralhraang lam dinhmun le mipi lam hriam tuar an um le umlo ti khal, thu felfai a suak hrih lo ih CDF central lam khalin theihternak zianghman an nei hrih lo.

Kanpetlet Doawknak khal ah CDF ralkap 2 nunnak liam

Chinland Defense Force ralkap Salai Ling Shwe le Salai Aung Ling cu May 28 le 31 ih Kanpelet doawknak ah an nunnak a liam tiah CDF in official in a phuang.

Ram le Miphun hrangah nunnak hlan ngamtu paralṭha 2 cu CDF in upat a pe ih riahsiatpinak capi khal a suah a si.

Leave a Reply

Your email address will not be published. Required fields are marked *