Hakha KhuaNu/Pa, Biaknaklam hruaitu le SAC ralhraang an biakaw

Chin ramkulh, Hakha khualipi ah October 20 ah mawṭaw 50 hrawng thawn ralhraang 400 hrawng an thleng ih a rak um cia pawl thawn ralkap 700 hrawng an um tiah theih a si.

Hakha khuasung ih um khuami ṭhenkhat (inn 200 hrawng) cun ralhraang ṭih ah inn le Lo suahsan in himnak an hawl tiah khuami pawl in an sim.

SAC ralhraang le tualsung hriamkaibu pawl cu ziangtiklai khalih kapawthei an si ruangah mipi him thei dingin biaknaklam hruaitu le khuanu/pa pawl in hmun him (safety zone) tuah dingin hmalaknak an nei rero ih, ralhraang lam khalin a thu in cu mipi lam ih dilngenmi an lungkim zo tiah biaknaklam hruaitu pakhat in a rel.

Hakha khuasung ih ralhraang umzat le, Inn le Lo suahsantu khuami thu thawn pehpar in “Khuasung ih inn 1600 hrawng um mi ah inn 200 hrawng a ruak zo. Hakha ah SAC ralkap mawṭaw 50 hrawng a thleng zo ih mipum in cu 400 hrawng an si ding. Hinah ih um cia pawl thawn ralkap 600-700 hrawng an kim ding” tiah pastor Danish Ngun Thawng Mang in a ti.

SAC ralhraang pawl cun mipi hrang hmunhim tuah ding cu thu le hla zawngin an lungkim zo nan neta lam ah thu an ṭhin leh pei maw timi cu sim a theih lo. (TTP)

Leave a Reply

Your email address will not be published. Required fields are marked *