Hakha ah Nemhnget theih hrih lomi Bomb puak thawm vek a thang

2021, March 27 zinglam nazi 4 hrawng ah Hakha Khuathar BOC le Innwa Bank kiang ah ziang ciah a si ti thei lo mi Bomb puak thawm vek a thang tiah theih a si.

“Zinglei nazi 4 hrawng ah a si. A thawm kan thei cu kan lau tuk. Bomb a si maw! ziangbik a si ti cu ka ciang lo. Thawmvang a thang nak hi ralkap le palik umnak Innwa Bank kaing hrawng in a si. Zing kan tho hrawng ah ralkap le palik in a kiangkap hrawng zohhaalnak khal an nei” tiah mipakhat in a sim.

Tuzarh ni 2-3 hrawng in Chinram khua ṭhenkhat ah ralkap le palik an cangvai nasa cuang ih tuizing March 27 khalah Hakha, Bogyoke ziinpi le inn karlak ziin ih vak sukso pawl cu ralkap le palik pawl in an check ciamco.

Motor, motorcycle le phone tivek tiang an check sak. Zinglam nazi 10 tiang hrawng khalah ralkap le palik pawl cun Inn ṭhenkhat luhhnawh in an check vivo.

Cutiih, ralkap le palik an cangvai nasatuk ruangah lamzawhnak ih hman mi thilri siseh, hriamhrei vekih hman theih mi pohpoh cu innsung ah ret lo dingin le Dothlennak ah hruaitu dinhmun ih tel pawl cu inn ah um lo dingin upa ṭhenkhat in forhfialnak an nei. (The Hakha Times)

Leave a Reply

Your email address will not be published. Required fields are marked *