Hakha ziin ih Mawtaw cangsual ah Mipahnih Nunnak Liam

Hakha : January 30, Zaanlam nazi 2 luan hrawng ih mawṭaw cangsual ah mipahnih nunnak a liam tiah theih a si.

Thantlang peng, Tlangpi khua in Hakha lam pan rerolai mawṭaw a let mi a siih mawṭaw mawngtu/neitu Pu Chum Ling le a fanu nunnak a liam tiah Hakha media ṭhenkhat in an tarlang a si.

Mawṭaw neitu Pu Chum Ling cu Hakha ih um a siih Tlangpi khua in a umnak hmun i a tlung sal lam, Hakha thlen hlan peng 4 duh hrawng ah a cangsual a si.

“Mawṭaw letnakfang hi ziin sia tuk lawman cu a si lo nan vansiat an tong hrimhrim si ko. Cun, amah hi mawṭaw mawng a thiam tuk lemlo an ti in ka thei. Kan dung khal ah Thantlang peng ah a mawṭaw a let ih mipahnih an rak thi dah” tiah Hakha khua um mipakhat cun a sim.

Mawṭaw let lai fangih mawṭaw totu cu Pu Chum Ling tei` pafa lawng an si tiah theih a si ih miruak pahnih cu Hakha siizung ah zohfelnak nei dingin an phur.

Leave a Reply

Your email address will not be published. Required fields are marked *