Hakha peng doawknak ah SAC ralhraang tuar na, Boruak sosang vivo ding zum a um

Tuizing, November 6 ah Hakha khuasung naivai ah CNA telin hriamkaibu ṭangrual pawl in SAC ralhraang an do ih ralhraang lam mithi 11 hrawng an um tiah theih a si.

Hmun 2 ah doawknak a suak ih Cawbuk gate ah 5, pengṭhen palikzung saklam pura kiang ih sakhaan ah 6 ti`n ralhraang 11 an thi tiah CNA ih ṭuanvonei Salai Htet Ni in a ti.

Amahcun “zianglam nazi 4-5 hrawngah ralhraang umhmun khuarnak Cawbuk gate kan va kap ih ralkap 5 an thi. Cun, Palikzung tlunlam Tlang kiang ih sakhaan kan va kap nakah ralhraang 6 an thi. An zaten mithi 11 an si” a ti.

Thantlang khalah doawknak a suak tiah theih a si ih Khuasung inn ṭhenkhat khal a kaang mi a um tiah kan thei.

Cuih thu thawn pehpar in “kan lam ah mipakhat a thi hriam tuar 2 an um. Ralhraang lam cu an dinhmun kan thei felfi lo” tiah Salai Htet Ni cun a ti.

Tu dinhmun ah SAC ralhraang in Chinram hmun ṭhenkhat ah ralkap tamzet a kuat hnu in kahdonak a tam vivo. Tu hnakin doawknak a tam vivo ding zum a um ih Doawknak khal a nasa vivo ding zum a um tiah Salai Salai Htet Ni cun KTM hnen ah a sim.

Leave a Reply

Your email address will not be published. Required fields are marked *