Hakha : Na mi zoh dan cu ti`n Tlangval kum 17 mi cu mi bur in an thawi

Mizaan October 4, zaanlam nazi 6 luan hrawng ah Hakha khuathar ah tlangval 6 hrawng nih tlangval Dawt Hnin Sang (kum 17) cu a bur in an thawi.

Amah hnak ih nauhak pahnih thawn thil lei dingih feh lai cu “na mit sir in, in meet” ti`n tlangval 6 hrawng in an thawi ih a hmur kuai in a hnar thi a suak.

Hih thuthawn pehpar in tualsung mi Salai Ceupi cun, “mi bur 6 hrawng nih mi na meet ti`n tlangval Dawt Hnin Sang an thawi. A rualpi nauhak pahnih cun thinphang in an tlan san ih amah cu a hmur a kuai ih a hnar thi khal a suak”

“Thawi tuar Dawt Hnin Sang cu siizung thleng áš­ul dinhmun cu a si lo nan, a sungkhat pawl cun mi thawitu te pawl in, in leng lo ahcun kan duh lo ding an ti” tiah The Chin Journal hnen ah a sim.

Hlanlai kan pa le san lai ih “na thinlung sung in na nu **” in ti tiih thawi aw lai san ah kan thlengsal maw si ti pang nak a si.

Mino an si ih lungawi lo ih toaw caan cu um ding si ko. Asinan hivek ziangtitlaklo ruang men ih kut thlak aw cu a zah thlak tuk. Cubetah tlangval kum 17 mi minung 6 ih bur tivek cu thilawmang khal a si lo. San thar a si zo ih hivek men ih buai hi cu tum nawn lo hram uh si.

Leave a Reply

Your email address will not be published. Required fields are marked *

error: hahahahahaha !!