Hakha khuasung ah Motorcycle 50 luan an kai

Chinram khualipi Hakha ah Lamziin daan thlun lo in motorcycle totu pawl cu PK pawl in an kai thok tiah theih a si.

Himi duty nak cu August 1 ihsin thok tummi a si nan nikhua ṭhalo ruangah August 7 lawngin an thok thei ih, duty an thok hmasabik ni ah Lamziin daan thlun lotu motorcycle 50 luan an kaai a si.

Hih thuthawn pehpar in PK bawi Ko Ko Aung cun “tuni, August 7 ah motorcycle lukhuh khum lo le number bun lo, dung zoh thlalang bun lo pawl kan kai, kan kai hnu ah khiingnak kan nei, thuṭhen zung ihsin cawhkuan a pek ter hnu ah an motorcycle pawl cu a neitu hnen ah pek saal ding a si” a ti.

Lamziin daan thlun lo pawl cu thuṭhen zung in ziang vek in cawhkuan a lak ding ti cu theih a si lo nan Daan an pahbal ruangah cawhkuan an pek ding ti cu a fiang.

Hakha khuasung ah August 7 ihsin thok, motor le motorcycle pawl nitin an check riangring thlang ding ih Lamziin Daan thlu lo pawl cu a ṭuldan vekin hremnak an nei thlang ding ti`n Khonumthung thuthang in a ngan.

Leave a Reply

Your email address will not be published. Required fields are marked *

error: hahahahahaha !!