Hakha khualipi ah Bomb hrial nakding Khur an lai thok

Hakha : May 17 ih Cawkbuk doawknak a suak hnu, Hakha boruak a danglam tikah thlaphang ṭhenkhat cu raltho tikih relhnakding khur laitu khal an um zo tiah khuami pakhat in VOA hnen ah a sim.

Amahcun “Khuasung cu a dai ko. Nan, khua lutsuak duty pawl cu a hlan vek an si lo. Khua lutlam a si le zingtuah dingin na ra? Suaklam a si le khawiah na feh ding ti`n mi an sut. Ahlan ahcun kha vek lawmam an si lo. Kahdonak a suak hnu in cutin an ti thok. Cuvek a si ruangah thlaphangtu an um. Bomb puak tikih relhnakding khur laitu khal an um. Fangfai le ṭulpoimawh leiciatu khal an um” a ti.

CDF Hakha le SAC ralhraang cu voi 5 hnak ih tam an kapaw zo ih May 17 khalah Cawbuk veng checkpoint siim in SAC ralhraang 5 kah that an si thu CDF in official in a phuang.

Cumi thuthawn pehpar in CDF ṭuanvonei mipakhat cun “zaanlam nazi 5 in 7 karlak ah a si. Cawbuk Sakhaan kan siim naksan cu Mindat hrangah phuba kan lak mi a si. SAC ralhraang 5 an thi ih kan nih cu kan him. Ralkap tatyin 266 nih meithaltum hmangin an bawm ruangah dung kan siip” a ti.

2021 Dothlennak ah Chin ramkulhsung kahdo thawmvang suak tambiknak cu Hakha peng a si ih, May 18 khalah Hakhathar lam in meithal puak thawm a thang hnuah innsung ih um Pi Ni Can in meithal hliam a tuar tiah ramsung media ṭhenkhat in an tarlang a si.

Leave a Reply

Your email address will not be published. Required fields are marked *