Hakha ih kaihkhih tuar pawl lakah Falam mino 2 telve, +Atufang Hakha dinhmun

Ralkap uknak dodalin March 1 ih duhporhnak neitu Hakha mipi cu palik in ṭhekdarh tumin mitthli tlak bomb thawn an kap ih, mipi talbuai lai cu caan ṭha ah lakin palik in minung 20 luan an kai.

Ziinpar lawng silo, mi innsung tiang lutin minung 20 luan an kai ih cumi ah Falam mino 2 an telve tiah theih a si.

Hakha palik/ralkap kaihkhihmi Falam mino 2 cu Salai Bawi Kip Sum le Salai Robert Ngun Lian Mang an si tiah theih a siih, an nih hi duhphorhnak ih telhran siloin cycle lei tumin Hakha ih va feh an si.

Salai Bawi Kip Sum le Salai Robert Ngun Lian Mang

Kaihkhih an tuardan thuthawn pehpar in Falam mino pakhat cun “Cycle lei dingin an feh ih Hakha Town Coffee dawr an um lai ah an kai mi a si. Tuah, ngaihven an si rero lai” a ti.

Hakha khualipi ih nuaicilawknak thuthawn pehpar in “Palik le ralkap in duhphorhnak neitu mipi cu mitthli tlak bomb le rubber cerek thawn an kap. Beunak hawl ih tlantu mipi pawl cu an kai ciamco ih innsung ta tiang an vung kai”.

“Hakha khualaili in Cherry lampi tiang ralkap le palik mawṭaw a khat thluh ih sukso vakvai khal an siang lo. Duhphorhnak neitu pawl ih cycle siding an zum mi pawl khal ralkap mawṭaw ah an thunlut thluh. Tuhrih tiangah nunau 6 telin minung 20 luan an kai zo” tiah Chin World in a tarlang.

ATufang Hakha dinhmun Video ……

Leave a Reply

Your email address will not be published. Required fields are marked *