Hakha : Hmun 2 ah Mei a Kaang ih Inn Pakhat Kaang Ziamral

March 4, Hakha GTI tlawng thlang ih PU .. (hminthup) inn cu zaanlam nazi 2 hrawng ah a kaang ziamral tiah theih a si.

Loram ur mi in a kah mi a si tiah theih a si ih “zaanlam 2 hrawng ah a si. A kaang thok dan cu Loram mei an ur mi in a kah mi a si. Inn ah hin minung an um lo i meikaang ruangih hliamhma tuar khal an um lo. Fangvui le thil dangdang an ret mi cu a kaangral thluh” tiah mipkhat in a sim.

Meithat zung i hnaṭuan mi tamsawn cu ralkap uknak dodal in CDM ah an tel thluh ruangah meikaang phal dingin an cangvai man lo.

Inn a kaang thok veten kaingkap ih rak hmutu le Bible tlawngkai ṭhenkhat in an mit tum nan mei an phal theilo i inn pumpihlum in a ziamral thluh tiah The Hakha Post in a tarlang.

Meikang thuthawn pehpar mi ah, Hakha, Chin ramkulh minister pawl umnak inn kiang khalah March 4, zaanlam nazi 2 hrawng ah rammei a kaang.

Akaang thokdan thufelfai theih a si lo i Hakha meithat 7 in meithat mawṭaw thawn an phal thei lohli tiah the Hakha Post in a tarlang.

Leave a Reply

Your email address will not be published. Required fields are marked *