Hakha Bomb puak hnu ah SAC ralhraang nasaten cangvai

Tuisun, June 5 zaanlam nazi 4 luan hnu, Hakha khuasung bomb puak hnu ah SAC ralhraang nasaten an cangvai ih thusutmi le hruaimi khal an nei hnuaihni ruangah ralringten um cio dingin khuatlang pawlkom ṭhenkhat in thuthannak an nei.

Hakha khuasung ih bomb puak cu zaanlam nazi 4 luan hrawng ah a si ih GTI thlenhlan le Pa-La-Ka veng ah a si.

Bomb puak ah mipakhat nunnak liam tiah theih a si nan, mithitu hi zo a si tiah theih fiah a si hrih lo.

Bomb puak thu thawn pehpar in tualsungum mipakhat cun “Kan umnak tiang a tlir ban ih khuasunghuap deuhthaw in a thang. Mithi pakhat a um tiah kan thei nan zo a si timi kan thei ciang hrih lo. Bomb puahtu khal theih a si lo” a ti.

Bomb puak hnu SAC ralhraang cangvai in mi check mi le hruaimi an nei phahphah ruangah khuasung um pawl ralring cio dingin le ṭihphang tukih um lo dingin HCFJ in thuthannak a nei.

zuk : SSM

Leave a Reply

Your email address will not be published. Required fields are marked *