Hakha ah Mipi thlingthla zuk thuptu Kawlpa an kai

Hakha khuasung ih mino rual cun Dothlen cangvaihnak neitu mipi zukthuptu mipakhat cu March 19 sun ah an kai ngah ih thu an sut lai video cu online ah an thlah lawk nan neta hnu ah an delete sal.

Mino pawl cun “Hakha CDM hruaitu le Media pawl a zuk ciamco ih a zuk pawl cu ralkap cozah hnen ah ka pe hai ding a ti ruangah kan kai mi a si” tiah an sim.

An kai mi hi Hakha cozah zung ih hnaṭuan bawilam deuh a si tiah theih a si ih a hmin cu tarlang a si lo. A bike an kham ih a phone sungta zuk pawl khal an zoh ciang thluh.

Athok ahcun zianghman theilo vekin a relaw nan thuhla umdan an sut vivo tikah a pheh thei nawn lo ih “ka hnaṭuan thawn pehpar in ka zuk mi a si” tiah a sim ih “a ṭul dan vekin tlunlam ah ka kuat ṭheu” a ti.

Mino rual cun a hmaikhuh bot cat sak in an zuk ciang ih ralrin an pe hnu ah an thlah sal tiah theih a si.

Leave a Reply

Your email address will not be published. Required fields are marked *