Hakha ah Mi Thingkuang bauh tu Numi pakhat an kai

Hakha, Chin Oo Sii veng ih mi Thingkuang bauhtu Pi….. cu vengsung mipi ṭangkhawm in an kai ngah thu Chin Oo Sii Mino pawlkom in Facebook cahmai ah an tarlang ih Hakha mipi hnen ah ralringten um cio dingin tlangthannak an nei.

“Amah hi Hakha khualipi ah Laithil le thil dangdang zuar in vaktawi ṭheu a siih, Thil zuar phah in mi inn ih thilri a lak thup hmang ruangah ralring cio uh si.

2020 November 24, Chin Oo Sii veng ih inn pakhat ah, innteek umlo sung ah a lut ih an thingkuang a bauh. Laipuan le Laihni a lak ruangah vengsung mipi ṭangkhawm in kan kai. Curuangah nan veng, nan inn ih a rat tikah ralring cio uh” ti`n Chin Oo Sii Mino pawlkom cun an mai` Facebook cahmai ah an tarlang a si.

Hakha, Chin Oo Sii veng ah hin Innbauh, thilhlo a um thei zet ih October thla cem lam khal ah Evan Thang Zel tei` inn cu an um lo sung, Sunpadir ah an bauh ih paisa ting 4 hrawng an fir sak a si.

Thingkuang bauhtu Pi….. thuthawn pehpar in “Pi …… hi a hlan khal ah thilfir ruangah Thawng a rak tlak dah. Tuṭum khal hi Thawngthlak dingin tawlrel kan tum nan a sungkhat pawl in mipi hnen ah ralrinnak in pek sak sawn uh in ti ruangah tuvekin tlangthannak kan nei mi a si” ti`n Chin Oo Sii Mino pawlkom cun Facebook cahmai ah an tarlang a si.

Leave a Reply

Your email address will not be published. Required fields are marked *