Hakha ah Lamzawh mipi ṭhekṭhen in ralkap pawl in Meithal an hmet puak

March 25 ih Hakha lamzawh duhphorhnak neitu mipi pawl cu ralkap le palik in meithal kap puak in an ṭhekdarh tiah theih a si.

Hmun hnih ah ṭhenaw in lamzawhnak an nei ih miburkhat Cherry ziin an thleng hrawng ah ralkap le palik pawl in meithal kap puak in an ṭhenṭhek a si.

Zaan lam nazi 3 hrawng ah a siih ralkap le palik pawl ih kah mi rubber cerek cun amalbik mi pahnih a hliam. Mino 6 hrawng cu an vuak an thawi hlei ah an kai ih an bike pawl khal an lak cih tiah Khonumthung in a ngan.

Kawl ralkap le palik pawl hi mizaan lam in an cangvai ce cuangih mizaan khalah Hakha mino 10 hrawng an kai tiah theih a si.

Mizaan zaan thim hnu ah mithlitlak bomb khal an kap tiah ramsung media ṭhenkhat in an tarlang ih rubber cerek an kap mi khalin mi pakhat ban ah hmun 3 in a hnor tiah thuthang kan dong.

Leave a Reply

Your email address will not be published. Required fields are marked *