Hakha ah Chinmi Thlaiaw That Miruak an Sar

December 15, zinglam ah Hmawngtlang khuami Pa Sang Tha Lian cu Hakha Siizung dunglam, Thingkung ah hridai thawn a hngawng in thlai thataw cia in a rauk an sar a si.

Amah hi nupi fanau nei a siih, a ruak cu zinglam nazi 7 hrawng ah vaithang haal nauhak pawl in an hmusuak mi a si.

Kum 32 mi Pa Sang Tha Lian hi mi damlo dinhmun in Siizung ih um a siih thinharnak ruangah maw, ziangruang bikah hivek dinhmun a thleng tihi theihcian a si hrih lo.

“Amah hi nupi le fanau nei zo a siih kum 32 mi a si. Hakha Dawrhlun Kuattit ih khawsa an si.” tiah Health Concern Volunteer Group (HCVG) ih tuanvonei Pu Cham Hrem nih The Hakha Times hnen ah a sim a si.

Hakha ih khawsa an si bangin Hakha ah ruakvuinak nei ding an siih a nu le pa khal khuasung ah an thleng zo a si tiah THT in a ngan a si.