Generation Z in Tlangpar Hriamhrei keng pawl ih bomnak kan mamawh – Mino Auaw

March 28, Kalaymyo ih kahaw ṭum ah mipi lam in Pa/Nu ralṭha 5 kan sung. Khai ṭum ah Lairawn ih um mino ṭhenkhat cun SAC ralkap pawl do dingah tlangpar hriamhrei keng pawl ih bomnak kan ṭul tiah an au.

April 7, tuizing khalah SAC ralkap pawl cun mipi kilhimtu Kalaymyo Civil Army cu RPG bomb le meithal phunphun thawn an kap ciamco.

Zing khuavang hlan, zohman ralring man hlan ih an cangvaihmi a si ruangah le ralthuam thlauawtuk ruangah mipi lam cun natukin an tuar ih amalbik minung 11 an thi. Kan dung thla ai in let khat tam in mipi lam ah mithi an um. Cukhalcu hliamtuar besia zet ih siizung thleng an um hlei ah SAC ralkap pawl ih kaih tuar mino khal an tam.

Cupawlcu ralkap kut sungah an nungdam dingmaw dinglo tikhal theih a si lo. Khuadang ih thil thleng kan zoh ahcun ralkap pawl ih kaih tuar pawl cu ziangvek dinhmun an thleng thei ticu mizapi ih theihmi a si.

Cuvek dinhmun kan si ruangah mino pawl cun hriamhrei ralthuam an ṭul zia le bawmtu an ṭul zia online ah an tarlang.

Mino pawl cun “Atu hi tlangpar hriamhrei keng ralkap pawl ih hmakhua hrang ziin sialawknak caan ṭhabik a si. Tu ṭum vekah mipi hum in cangvai lohli hai sehla an Ham a ṭha ding. Khuahlan ih an thuanthu tivek khal tu ṭum Dothlennak ih an cet cang mi hin a khuh thluh ding.”

“Cuti cenglo a si cun GZ pawl in tlangpar hriamhrei keng pawl kan hmuh dan a dang ding. Ṭuṭum buainak hi Chinram san thuanthu ah ngan khum dingmi a siih hih thuanthu bu ih tello hmuahhmuah cu GZ in kan hmuh dan a dang dingih kan lung sungah mipi hum tumlotu Chin ralkap tiah kan Lung ah a tat caamcin ding” tiah an tarlang.

Leave a Reply

Your email address will not be published. Required fields are marked *