FTIMT in Dokṭhek khua vehvai saalin Bomnak pe cih

Tubaite ah Ralhraang SAC ralkap siatsuahmi Dokṭhek khua vehvaitu Falam Township IDPs Management Team (FTIMT) cun March 9 ah vehvai saalin bomnak thil pawl an va pe cih.

Innsungsaang 35 hrangah fangfai, siti, kalape, cite tvk pawl bawmnak an pe ih, innkaang tuar innsang pawl hnen ah kyat ting 1 ciar le hramlak beu nak hrang thil ṭulmi tete khal an pe cih.

Dokṭhek vehvaitu tualsungum mipakhat cun “an relh nak hmun hramlak ihsin khua ah an ra ih a ṭet ṭheh mi an biakinn ah pumkhawm thazaang pekawknak le thlacam tlangnak kan nei” a ti.

Dokṭhek khua cu ralhraang SAC ralkap pawl in March thla thok ah an urkaang ih, an kap siat mi inn pawl thawn azaten inn 19 a siat.

Atu ah innsang 4 cu Falam ah, innsang 1 cu Kalay ah ralkian in an um ih a taangmi innsang 30 pawl cu hramlak ah buukte 24 sak in an relh rero hrih tiah CH nitin thuthang in a tarlang.

Leave a Reply

Your email address will not be published. Required fields are marked *