FMP le Siizung hnaṭuan ṭhenkhat in Isolation ward thianfainak an nei

Falam khua ṭhangsosin dingih cangvaihnak nei ringring tu Falam Mino Pawlkom cun Covid 19 pulhnat boruak lai khal ah Falam khuapi hrang ah ti`n October 29 zing ah Falam Siizungpi ih Isolation ward thianfainak an nei.

Siibawipi Dr. Tluang Cung Thang tawlrelnak thawn Falam Siizung ih hnaṭuantu ṭhenkhat le FMP ṭuanvonei pawl cun Isolation ward cu zinglam nazi 9 luan hrawng in an thiamfai thok ih buaibainak um lo ten an ṭhehsuak zo thu theih a si.

Tualsung um mino pakhat cun “Falam pi Covid 19 lak ih thiangfia laite bat in cangvaihnak an nei. Dr. Tluang Cung Thang tawlrelnak in Falam Siizungpi Isolation ward cu FMP mino ṭuanvonei le Siizung hnaṭuan ṭhenkhat in an thianfai ih, tu ah an ṭhehfel zo a si. Isolation ward cu Falam ih Covid 19 mina 4 um nak kha a siih tu ahcun damcakten Siizung an suahsan zo.” a ti.

Falam ah Covid 19 mina cem fai zo
Falam khuasung ah Covid 19 mina 4 hmuhsuah a rak siih Siizung ah tuamhlawm an si hnu October 20, 27, 28 ni pawl ah cuih mina 4 cun damcakten Siizung an suahsan zo ruangah tufang ah Falam khuasung ah Covid 19 mina an um nawn lo a si.

zuk:Falam Mino Pawlkom

Leave a Reply

Your email address will not be published. Required fields are marked *

error: hahahahahaha !!