Finkhawitu um lo miruak pawl cu CNDF in ṭhazetin Vuiliam

Kalay peng, Natchaung khua kiangkap ih sartu um lo khawmi/ralkian ruak pawl cu CNDF (ကလေးတပ်မဟာ) hriamkai pawl in an finkhawi ih December 25 ah ṭhazetin an vuiliam tiah theih a si.

Hriamkai ṭangrual pawl thawn Kalay peng ih an doawknak hnungzulin ralhraang SAC ralkap pawl cun December 23 ah raldonak Helicopter hmangin Natchaung khua kiangkap an kap ih inn urkaangmi khal an nei.

Cuih boruak ih nunnak liam khawmi 4 pawl ih ruak cu CNDF (ကလေးတပ်မဟာ) in an finkhawm ih December 25 ah ṭhazetin an vuiliammi a si.

Tuhrawng hi Kalay peng, Natchaung khua kiangkap boruak a sosang hlei ah Tlawnginn ah umhmun khuartu ralhraang pawl an um ruangah khualtlawng sukso lo dingin mipi lamṭang hriamkai pawl in tlangthannak an nei a si.

Edit : December 26, zaanlam hnu ah CNDF telin hriamkai ṭangrual pawl le SAC ralhraang cu kalay peng ah an kapaw saal tiah kan thei.

 

Leave a Reply

Your email address will not be published. Required fields are marked *