Falam Township IDPs Management Team in Ralkian pawl Bawm

Falam Township IDPs Management Team (FTIMT) cun Kalay peng ihsin Falam pengih ralkian ratu pawl hnen bomnak an pek tiah theih a si. Dec 30, 2021 (tuni) ah FTIMT ih țuanvo neitu pawl cu Webulah le Lumte ah feh in ralkian pawl an vehvai phah ah thilri le sumpai bomnak an pekmi a si.

Suangdawn area tiin Webulah cu center ah ret a siih kiangkap khua 15 a huap ruangah Webulah ah blanket, tangphah, lukham 100 ciar, hnipuan dip 10 le sumpai ting 50 an bawm tiah theih a si.

Lumte khua cu Ngalsip area ih center khua a siih kiangkap khua 17 a huap ve. Cuih hmun hrang khal ah sumpai ting 25 an bawm ve tiah țuanvo nei pakhat in a sim.

FTIMT ih Coordinator Salai Nhgepi cun, “dokahnak ruangah Falam peng sungih ralkian ratu pawl cu a cang thei tawkin țhaten rak inntek thei dingah kan țangkhawmmi a si. Atu hi Kalay pengih Natchaung, Natmyaung, Chaungkhuah, Hakhalay, Tanphu, Yisu le Pamunchaung ihsin ralkian 4000 lenglo an um thlang” tiah a sim.

Dec 30, 2021 tiangah Suangdawn area ah ralkian 2700 luan, Ngalsip area ah ralkian 850 luan an um thlang ih area committee pawl in neihniam ten an zohkhen rero tiah theih a si. (FCM)

Leave a Reply

Your email address will not be published. Required fields are marked *