Falam peng Doawknak ah SAC ralhraang tuar na

Tlangpar hriamkaibu ṭangrual pawl in Falam peng ih ralhraang mawṭaw bomb an puah nakah ralhraanglam an tuar na ih amalbik mithi 3 an um tiah theih a si.

Falam ihsin Kalay lam pantu ralhraang mawṭaw 10 luan cu CNF/CDF, CNDF ṭangrual in October 30, sunlai hrawngah bomb hmangin an rak do ih ralhraang mawṭaw 8 hrawng a khawngban tiah an sim.

Bomb kammi cun ahmun rori ah ralhraang 3 a puah that ih mipum 15 lenglo a siatsuah tiah CNDF ṭuanvonei mipakhat in a ti.

Lumbang luan ih ralhraang an rak do nakah hriamkaibu ṭangrual lam ah hriamtuar le khawngaw umloten dung an siip thei saal tiah kan thei.

October thlasung ah Falam peng ah ralhraang cangvaihnak hmuh ding a tam zet ih khuami pawl Inn le Lo an siatsak hlei ah nunrawng zetin thil phunphun an fir.

October 26 zaan khalah ralhraangrual cu Tuphei khua ah zaan khat an riak ih khuami pawl ih thliri an fir sak hlei ah Ar 100 luan that sak in nuam an ceen ih khua an suahsan zawngah Vok 2 an fir cih tiah theih a si.

 

Leave a Reply

Your email address will not be published. Required fields are marked *