Falam palikbawi pakhat cu Mualphothlak zetin a Thi

Falam palik Sergeant Bu Ha cu a kut thuai ih hnaṭuan kut tuar in July 2 zinglam ah Kalaymyo siizungpi ah a thi.

June 30, nazi 10 hrawngah a kut thuai ih hnaṭuan Deputy Sergeant Lal Cawi Sang in meithal thawn voi 3 a kap ruangah Siizung thlengin July 2 ah a thi mi a si.

“Zuri aa in an buai ruangah thihhlohnak an tong mi a si. June 30 zaan nazi 10 hrawngah zuri Bu Ha cun namte thawn Lal Cawi Sang ih hna voihnih a sat sak ih Lal Cawi Sang khalin meithal thawn a pum ah voithum a kap. Deputy Sergeant Lal Cawi Sang khal Siizung a thleng” tiah tualsungum mipakhat in a rel.

Meithal hliam tuar Bu Ha cu Falam Siizungpi ah an sopi nan a dinhmun a ṭha lo ruangah Kalaymyo siizung lam ah an kuat salmi a si ih an phurnak mawṭaw siat ah Vaar Lilawn kiangah zaan khat an riak ta.

Kalaymyo an thleng ahcun a rak besia zet zo ih July 2 zinglam ah a nat tuar loin a thi a si.

Tualthat Lal Cawi Sang hi Falam mipi lamzawhnak an nei lai ih mikaitu a siih CDM a tuah lo hlei ah Dothleng cangvaihnak hnaihnoktu a si ruangah Falam Mino pawl cun a thih tikah khuasung ah kan Vui lo ding tiah thu an suah dah a si.

Zuk : zuk remcang tar menmi a si

Leave a Reply

Your email address will not be published. Required fields are marked *