Falam : Ningzak neilo zetih cangvai hmang pawl ralrin an pe

CDM ih tel ruangih hnaṭuan bantuartu aiawh in ningzak neilo zetih hnaṭuan rak luttu le luttumtu an um ruangah Chin National Defense Force ralkapbu cun May 26 nikhen in ralrinpeknak ca an suah ih thusuah ziangsiarlotu cu hrem an si ding tiah an tarlang.

“SAC ralhraang in kumpi cozah thuneihnak a la hnu ah cozah hnaṭuan tamzet cu thudik lam ah ṭangin CDM tuahnak thawn ralkap ukhruainak an dodal.”

“CDM telnak thawn Dothlengnak ih teltu cozah hnaṭuan pawl cun mah pumcawmnak hnaṭuan rori thaapin Dothleng cangvaihnak an nei lai ah hnaṭuan bantuar CDM ih teltu aiawh tumin hnaṭuanluttu le luttumtu an um tiah CNDF in kan thei.”

“Ningzak neilo zetin cuvek ih kekartu cu CNDF in nasaten a soisel ih Chin miphun sitlak khal an si lo tiah kan ruat.”

“Curuangah mihnaṭuan longtu siseh long tumtu khal atu rorin cawl hngalh dingin simtheinak kan nei duh ih CNDF thusuah ziangsiarlotu cu hrem an si ding tiah theihternak kan nei a si” ti`n Chin National Defense Force Headquarter in ralrinpeknak ca an suah.

Cuvek ṭhiamṭhaim in Falam peng sungah ralkap ukhruainak hnuai ih Tlawngap cohlangtu le fale Tlawngap tumtu an um tiah theih a si ih, cupawlkhal, CNDF cun nasaten a soisel ih Tlawngap cohlangtu saya/sayamah khal siseh Fale Tlawngap tum in hmin cazin petu nu le pa khal CNDF in ralrin a pe tiah theih a si.

Falam ah CDM ih teltu Tlawng saya le sayamah an tam nan penghuap in CDM ih pakhat hman tellotu Tlawng 27 luan an um tiah Falam Basic Education CDM Team in a tarlang.

Falam peng, Non-CDM Tlawng Cazin

Leave a Reply

Your email address will not be published. Required fields are marked *