Falam : Nikhat ah Covid mina pahnih rori`n in cem san

July 1 ah Falam siizungpi ih tuamhlawmmi Covid mina pahnih in in cem san.

July 1 zinglam nazi 2 hrawngah Farṭhawk vengmi Pi San Del @Aa Lian nu (kum 63) in Falam siizungpi ah in cem san ih zinglam nazi 8 hrawngah Volunteer pawl in Laizo ziin thlanmual ah an vuiliam a si.

Zaanlam nazi 4 hrawng khalah Farṭhawk vengmi Pu Lal Duh Cung @Val Cung in Falam siizungpi ah in cem san ih Zaanlam nazi 6 hrawngah Volunteer pawl in Laampa thlanmual an vuiliam a si.

Tuini July 1 ah Falam Siizungpi OPD ih COVID-19 Nat Zohfelnak ah mi 21 sungah mi 11 in Nat an nei.

May 20, 2021 ihsin July 1, 2021 tiangah mipum 789 an check ih mipum 273 an positive mi lakin mithi 15 an um zo a si.

COVID-19 ruangih Falam peng sungah a thimi pawl cu:
June 2 ah Pi Zing Rem Thluai (Kum 53), June 12 ah Rev. Piang Bik (Ramthlo- Kum 51) le Pi Khawfeli (Rihkhawdar- Kum 81), June 13 ah Pu Sui Ceu (Kum 67) le Pu Lalthanpuia (Rihkhawdar- kum 38), June 16 ah Mai Lal Muan Kim (Kum 27), June 18 ah Pi Za Nawn Kai (Kum 79), June 19 ah Pastor Thang Hre Mang (kum 33), June 21 ah Pi Lun Khaw Niang (kum 76), June 22 ah Salai Lal Than Eng (kum 25), June 24 ah Pu Cung Lian (kum 66), June 25 ah Pu John Ral Za Lian Kulh (kum 60), June 26 ah U Win Naing (Rihkhawdar- kum 72), June 27 ah Pu Hrang Thawm Vel (kum 62), June 28 ah Pu Leeng Tin Hre (kum 66), June 29 ah Daw Win Mya Kyi (kum 51), June 30 ah Pi Ni Siang Men (kum 39), July 1 ah Pi San Del (kum 63) le Pu Lal Duh Cung (kum 44) pawl an siih Falam khuasung ihsin mi 15, Laikhua lam ihsin mi 4 an thi zo ih zatekom mithi 19 an um thlang a si. (CH)

Leave a Reply

Your email address will not be published. Required fields are marked *