Falam ih Dalan pawl ralrinpek an si

Falam peng, Kalay-Kabaw le ramleng um Chinmi komkhawm ih dinsuahmi Chin National Organization (Chin National Defense Force) cun mai phunpi hnampi zuarthlaitu Falam Dalan pawl cu hmaisabik ralrinpeknak an nei.

Cumicu 2021, May 26 nikhen in ca thawn suah a si ih ralrinpeknak zianghman siarlotu Dalan cu a ṭuldan vekin hremnak kan nei ding tiah an tarlang a si.

Ralrinpeknak capi ahcun “Sinak atcilh in rampi ukhruai thuneihnak latu SAC ralhraang donak ah Chin mipi tamzet kan tel.

Ram le miphun hrang a dikmi ukhruaiawknak ngah thei dingin le Federal Democracy hrang hmai kan nor rero lai ah mipi lam ah ding loin SAC ralhraang thawn kopaw ih miphun zuarthlaitu an um tiah kan thei.

Cuih Dalan cu zopawl an si tikhal kan thei ciang ih CNDF in an cetcangdan kan thlir ringring.

Curuangah mizuarthlaihmang Dalan pawl cu cangvai nawnlo dingin CNDF in ralrin kan pe a si. Ralrinpeknak ziang siar lo ih umtu cu nunnak hrang tiang phansak ummi hremnak kan pe ding a si” tiah an ngan.

Leave a Reply

Your email address will not be published. Required fields are marked *