CDF Hakha in SAC ralhraang 5 kap that

May 17 ih CDF Hakha le SAC ralkap doawknak ah a hmun rori ah ralkap 5 an thi ti a si ih CDF lam ah nunnak liam an umlo hlei ah hliamhma tuar khal an um lo tiah Chinland Defense Force in official in an phuang.

Hakha, Cawbuk veng checkpoint ah zaanlam nazi 3:30 in 7 karlak ah an kapaw ih SAC ralhraang in meithaltum an hmang nan mipi lam ah hliam tuar khal an um lo tiah theih a si.

CDF į¹­uanvonei mipakhat cun “Cawbuk veng ah nazi 3 luan an kapaw ih a hmun rori ah SAC ralhraang 5 an thi. Ralhraang lam in meithal tumpipi an hmang nan kan lam ah hliam tuar khal an um lo” a ti.

CDF Hakha le SAC ralhraang hi voi 5 hnakih tam an kapaw zo ih CDF thuphuan vek a si le mipi aiin SAC ralkap an tuar na sawn.

Mizaan khalah Falam-Hakha karlak ah SAC rahraang le CDF Hakha an kapaw. Nazi 2 luan kahdonak ah ralkap lam 6 thi le hliamhma tuar 10 luan an um ih mipi lam ah pacangno pakhat a thi tiah Chinland Defense Force in official in an phuang. zuk:SalaiBawi

Leave a Reply

Your email address will not be published. Required fields are marked *