Falam Traffic Police Officer in Lamziin thawn pehpar mi Myanmar Daan thar zirhnak nei

Myanmar road safty daan thar thawn pehpar in Falam mipi pawl ih theihthiam theinak dingah zirhawnak le daan thar nganmi cahnah zem nak cu Falam traffic police pawl in an nei tiah theih a si.

Falam traffic police officer Si Thu Sway hoha nakin tuahmi a siih 2020 Myanmar road safty pukma – 17 vekin zirh/simawnak neih a si.

Cuih daan thar sung ahcun motor-cycle to tikah sun-zaan ti loin a hmai, tanglam mit vang tengteng ding tin a um ih cuih daan thar cu Falam mipi pawl ih theithiam thei dingin Falam traffic palik in an zirh mi a siih June 6 lam khal ah zirh peh vivo bet an tum thu theih a si.

Falam khawsung ah motor, motor-cycle bah-khawnnak ruangih thi an rak um zo ruang khal ah mipi lam in a fiang thei bikih daan thar an theithiam theinak dingah Falam Traffic palik pawl in zirhnak an nei mi a siih motor cycle to tik khalah lukhuh ṭhami khuh ding, motor mawng pawl khal in taikhap ṭhaten khap ding in le Myanmar road safty daan thar khal thlun tengteng dingin sim-zirh awknak an nei a si.

World Health Organization in 2019 May ih a phuang mi vek a si le Myanmar minung 100,000 ah 20.3 per in lamziin thawn pehpar awmi bah-khawnnak an tuar. South East Asia Region sung ih lamziin bah-khawn tambiknak cu Thailand ram a siih Myanmar ram hi a pahnih nakah kan um.

zuk credit : MRTV

Leave a Reply

Your email address will not be published. Required fields are marked *