Falam Tlawngta nauhak hringhro thu ah CNO/CNDF in thu felfai relfiang

2022, June 13 zaan ah Falam, Cinmual veng အ.ထ.က 2 Tlawng kiang ah puakkuainak a suak mi cu tumtahnei ralhraang ralkap cangvaihnak a si ti`n CNO/CNDF in June 20 ah thu felfai an suah.

Mipi thinphang dingin puakkuainak ((အသံမိုင်း)) tuahtu cu Falam hrambun ခလရ 268 ralkap an si ti`n tarlang a si ih CNO/CNDF le mipi karlak hmuawthiamlonak suakter duh ah an tuah hrim mi a si ti`n CNO/CNDF in thu a suah.

Cuhleiah အ.ထ.က 2 Tlawng zin ah “Thlawng kai hlah Falam Hmin Na Sia Ter. Nan Fa Pawl Ruak Nan Hmu Duh A Si Le Thlawng Kai Ter uh” tiih Tlawngta nauhak hringhronak catar khal cu ralhraang ralkap tuah mi a si ti`n an sim fiang.

Falam ah Tlawngta hringhronak ca tar ruangah nauhak pawl Tlawngkai ngam lo

Tarlangmi ralhraang cangvaihnak pawl cu CNO/CNDF le mipi karlak thu tuah tum nak men a si ih, CNO/CNDF cun leitlunhuap raldo phungdan a buar lo ding hlei ah Tlawngta nauhak siseh Tlawnginn siatsuahnak tivek ziangtik hman ah a tuah dah lo ding ti`n thusuahmi ah an ngan tel a si.

Leave a Reply

Your email address will not be published. Required fields are marked *