Falam, Tlanglo veng, Tangtaziin ah Lei min (+Video)

Falam, Tlanglo veng, tangtaziin ih um, Pu Run Nei Luai ih innhmun ṭhenkhat cu a kak ih a hrek hrawng a ciim tiah theih a si.

Tuhlan ahcun hivek in a kak dah lo nan, tuṭum ih ruahpi ceennak ruangih kak mi siding a zum thu, inn hmun neitu Pu Run Nei Luai cun a sim.

Amah cun, “hiti ih leilung a kak naksan cu ruahpi ruangah si ding ka zum. Tuhlan ah hivek in lei a kak dahlo. Inn hmai ih caang ft 5 hrawng a ciim ṭum ah thlanglamta ciimlo dingin Japan leilung thawn ka erh ṭha. A hram khal thuah 3 rorin ka tuah.”

“A ṭha zet ding ah kan ruat nan tubaite ihsin leilung a kak thok ih innhnen pawl bawmnakin Japan leilung thawn kan burh/erh ṭha. A ṭha thlang ding hmangah kan ruat nan mizaan sun ih kan tuah mi cu zaan ah a rak kak lala” tiin a sim ih rem ṭheh hnu ah motor in riallo dingin veng upa pawl in ca an tar nan motor pakhat in a rial thotho tikhalin a sim bet a si.

Lei min nakhmum cu Falam khuauk ṭuanvo neitu in zohciannak a nei hnuah lamziin lam ṭuanvo neitu pawl in lei ciim mi pawl cu an thianfai a si.

Hih inn cu sipin lam siannak ngah hnu ah innhmun neitu Pu Run Nei Luai in a sak ih, coca lam a saknak ding a buaipi lai ah lei kak in a ciim mi a si.

Falam khuauk lam ih ṭuanvo neitu cun lei ciimbet lonak dingin Tlanglo veng tangtaziin ah motor tuum feh a kham a si.

ref:IPRD Falam
zuk:MRTV

Leave a Reply

Your email address will not be published. Required fields are marked *