Falam : Sweet December hmuak ding ni ah Covid 19 mina pakhat an hmusuak

Kalaymyo ihsin Falam ah thil zuar dingih hungso mipakhat cu Covid 19 nat a nei ruangah Falam Siizungpi ah tuamhlawm dingin November 30 ah an kuat zo thu theih a si.

Covid 19 pulhnat lak ihsin Falam khuapi him thei dingin Covid – 19 Falam Committee ṭuanvo neitu pawl in Sun Ceu Khan luan ih Harhdamnak check gate ihsin khuasung lutsuak kilnak an nei ih, November 30 ah Kalaymyo ihsin Laitlang ih thil zuar tum mipahnih cu Covid 19 test nak an rak nei.

Cumi ah motor mawngtu kum 47 mi taksa par ah Covid 19 nat hrik an hmu ruangah tuamhlawm enkol lohli dingin Falam Siizungpi ah an kuatsuak cih thu theih a si.

Hih thuthawn pehpar in Falam tualsungum mino pakhat cun “an mah hi Sagaing ramṭhen Khin Oo Myo, ThanBoLah khua mi an siih Laitlang ah thil zuar dingih hungso an si. Nat an hmu mi hi kum 47 mi motor mawng a siih motor thluntu kum 26 mi cu a himdam ih Lungpi Quarantine ah zoh hrih dingin an kuat ti`n kan thei” a ti.

Tui` Covid 19 mina thar tel in November thla sung ah Falam ah Covid 19 mina 6 hmuhsuah a siih mipakhat cu November 23 ah rampi Harhdamzung theihpinak thawn Siizungpi a suah san zo. Curuangah atufang Falam Siizungpi ah Covid 19 mina 5 an um a si. (IPRD Falam)

Leave a Reply

Your email address will not be published. Required fields are marked *

error: hahahahahaha !!