Falam, Sunceu Khaan in Mi Lutsuak An Kil Saal

Myanmar rampi ah Covid 19 suar hnihnak suak tum vek dinhmun a si ruangah ramsung hmun tinkim ah nat dokhamnak an nei ih Falam khal ah Sunceu Khaan gate in mi lutsuak an zoh thok saal tiah theih a si.

Sunceu Khaan gate cu mi lutsuak zoh nakah April 1, 2020 in an hmang thok ih Covid 19 boruak a deem deuh ti`n July 20 ah rak phit zo mi a si na`n, tu ah hivek dinhmun kan thlengsal ruangah August 26 ihsin khuasung lutsuak zohsal dingin a voi hnihnak an ong salmi a si.

Falam ih Sunceu khaan gate cu zinglam nazi 7 ihsin zaanlam nazi 6 tiang mi lutsuak zohfelnak, taksa/ sa lo tahnak le khualtlawnnak thuhla suhfelnak pawl an nei tiah CH daily news cun a tarlang.

Tu ah, Myanmar ramsung hmuhsuah zo mi Covid 19 mina 643 an um zo ih cumi lak ihsin mi paruk thi in minung 349 an dam sal a si.

zuk:IPRD Falam