Falam, Sun Ceu Khaan luan Check gate ih thuphan sim pawl ruangah C.zamual Khua mi an buai phah thluh

Covid 19 pulhnat lak ihsin Falam mipi himdam theinak dingah Myone dang ihsin Falam khuasung luttu hmuahhmuah cu Sun Ceu Khaan luan ihsin Covid – 19 Falam Committee ṭuanvo neitu pawl in Harhdamnak Check nak an nei ringring.

Cuih hmun ihsin Sunvu, Zaanvar duty ding remcang lo ruangah Covid – 19 Falam Committee ṭuanvo neitu cun curfew tikcu cu zaanṭim nazi 12 ihsin zinglam nazi 4 tiang a si dingih Zaan 12 hnu ah Falam khuasung zo hman luh awi lo ti`n November 13 ah Facebook hmang in tlangthannak a nei.

Cuih tlun ah Myone dang ihsin Falam khuasung luttumtu hmuahhmuah cu mah umnak cio ṭuanvo neitu pawl ih midam a si timi theihpinak ca keng tengteng a ṭul tikhalin a tarlang cih.

Himi ah, Falam peng, Khuate ih um cu Khuasung an luh tikah an umnak Khua ṭuanvo neitu hnen ihsin a hran ten theihpinak ca (ထောက်ခံစာ) lak hran a ṭul lo nan Check gate ih thuphan simtu an um hnuaihni ruangah Congheng Zamual Khua ih um pawl cu ထောက်ခံစာ keng thok ding in ṭuanvo neitu pawl in an fial thok thlang ti a si.

Hih thu thawn pehpar in Congheng ih um mipakhat cun amai bulpak Facebook cahmai ah hitin a ngan.

Thuhmaan simnak in mi kan bawm cio pei

Tulai leitlunpi buaipimi Covid 19 ruangah kan Falam khal kanhim theinak ding hrangah ti’n caan pek in Falam Luhnak Sun Ceu khaan in hmuntin ih a ratu pawl cu khawitawkin nanra ti’n thusuh an si.

Mi hrekkhat cun hmunhla in a ratu khal Congheng Zamual in kan ra ti’n thuphan an sim. Curuangah kanmah Congheng Zamual khua taktak pawl hman in zum nawn lo.(ထောက်ခံစာ) thawn ra ding ti’n in fial rero thlang.

Cozah duhlozawng tuah ih kai tuar ding khal a si lo. Natnak in zohfel ih Covid positive kan si taktak hman ah ṭhaten kan natnak kan theifiang tla cun lungawi um zet lam. A san cu kannmah hrang leh midang hrangah bawmtu kan si.

Thuhmaan simnak in mi kan bawm cio pei

zuk:Timmy Htut

Leave a Reply

Your email address will not be published. Required fields are marked *