Falam Siizungpi khalah Ralkap Uknak dokalh in CDM nei thok tum

Ralkap uknak dokalh duhphorhnak cu rampi huap mipi in a phunphun in langter cio a si ih Falam Siizungpi hnaṭuan pawl khalin February 8, thaisun ihsin Civil disobedience movement neithok an tum tiah theih a si.

Rampi huap cozah hnaṭuan hmuahhmuah cu February 8 in Civil disobedience movement an nei thok ding tiah thuthang a suak ih cuih dung thlunin Falam Siizungpi ih hnaṭuan pawl khalin cangvaihnak an nei tum mi a si.

“Thaizing 8.2.2021 in Falam Siizung pi ih hnatuan SiiBawi le Saya/Sayama pawl hmuahhmuah zung kan kai nawn lo ding.”

“Civil disobedience movement kan thok ding ruangah mina piah awk duh pawl cu Siizung ih OPD card thawn Venus Siikhaan le HramLeng Siikhaan ah man pek ṭul loin piahawk theih a si” tiah Falam Siizung ih hnaṭuan mipakhat in FB cahmai ah a tarlang a si.

Siizung ih hnaṭuan pawl cun February 8 in zung kan feh nawn lo ding tiah thuthannak an nei nan mina besia le zohkhen fekfek ṭulmi mina an um ahcun a ṭuldan i zirin an cangvaitum tiah thuthang kan dong a si.

zuk : Mai Helen Vnc

Leave a Reply

Your email address will not be published. Required fields are marked *