Falam peng, Rihkhawdar doawknak thusuah

Chinram hriamkaibu pakhat a si mi CDF – Hualngoram cun Falam peng, Rihkhawdar ih ralhraang donak thu cu tuni July 27 ah cipciar in thu an suah.

Doawknak hi khawsung raldodan phung in fehpi a si ih July 25 le July 26 ni pawl ah CDF – Hualngoram in an do hmasami a si ih “ralhraang thlai that mi hruaitu pawl hrangah phuba kan lak mi a si” tiah thusuahmi ah an tarlang.

Nikhat nak ah minute 40 hrawng le, nihnih nak ah minute 20 sung hrawng ti`n nihnih pehzom in Rihkhawdar hrambun ralhraang ralkap pawl an do.

Meithal le ralthuamtum hmangin nasaten an do nan ralhraang thi zat le hriam tuar um zat tivek cu an nemhnget thei lo. Nan, fuh zet in kahdonak kan hlawh tling ti`n thu an suah.

Mipi ralkap CDF – Hualngoram lam ah khawngaw le hriam tuar an um lo tiah thuthang kan thei.

Leave a Reply

Your email address will not be published. Required fields are marked *