Falam peng le Sagaing ramṭhen ihsin zuamtu CNLD palai ṭhenkhat Anka

2020 Myanmar rampi hrilawknak ah tumtah vekin CNLD cak lo hman seh la Falam peng le Sagaing ramṭhen ihsin rampi hrilawknak ih zuamtu CNLD candidate ṭhenkhat cun mipi hnen ah lungawithu simnak le thazang peknak an nei ih, online ih kan hmuh thei sun lungawithusimnak pawl cu a tanglam ta vek an si.

Pu No Than Kap (Pyine 2, CNLD)
Chin Party in Chin miphun ih a hloh rero zomi COVOPAWL lasal thei dingah, karbak pakhat ih retmi 2020 hrilawknak ah mah le tlin tawk cio thinlung, thazang, thiamnak le sumsaw suah in ṭan latu Ramsung le ramleng ih um Chin ulenau nan zate hnenah siseh,
Nehnak co thei dingah mitthli thawn Rawl ul in thla in cam saktu Pathianmipawl hnenah siseh,
Hnam hlamawi phunphun in phuah saktu le in zai saktupawl hnenah siseh,
Ruahsur le nisa lakah Lamzin bek le sia zawh in, bike le ke thawn harsa zetih tlan sukso rero khawtin Party hnatuanpawl hnenah siseh,
Thei tawk suah in Chin miphun DAMNAK thuthangtha thawn mipi kaithotu minopawl hnenah siseh, Chin party aiawh in lungawi thu ka lo sim.

Hrilawknak ah thianghlim ten nehnak co tumtu kan sizia kan langter theiih di a riam. Cun, tui ṭum hrilawk ihsin zirsuah mi ṭhazet zet kan nei ih hmailam hrang ṭan lak dan kan thiam phah ding ruangah lungawinak thotho a si.

Nehnak co duh ruangah Chin Party, a hleice in Keimah bulpak thangsiat ih thuphan i puh rerotupawl hnen khalah, ka parih nan lungput diktak ka theih
phah ruangah ka Lung a awi.

Democracy dan thlunin Kum 5 vei khat hrilawk ah a cak, cak lo timi cu vote ngahmi tam le mal zoh in relcat men mi a si. A thupi sawn cu hril tlin mi in Kum 5 sungah ziangvek in ram le mipi hrang hna an ṭuan ti a si.

Sim rero zo bangin, hnam dam lo Chin miphun hrangah, hrilawk ih tlin le tlin lo hi a thupi zet nan thupibik ah ret theih a si hrih lo.

Chin Party a tlin thei ahcun, vote petu mipi in mai miphun ngaina ih dinpi ngamtu kan sizia a takin kan langter tinak a si ding.

Hriltlin mi MP pawl khalin, Chinram le mipi hrangah kan tumtah vekin ṭuan theinak can ṭha kan ngah thei ding ruangah, di a riamzet ding.

Hmanseh, miphun DAMLO kan si ruangah, miphun damnak thuthangtha kan theih fiang ding le kan hloh reromi, kan ram le ramri, kan nunphung, rinumnak mizia, mai ram le miphun humhim ih cawisan duhnak lungthin, kan anka le calai, mahlemah rinsanawknak tipawl ngahsal ih nei theisal dingah, tlangram le phairawn ih um Chin hnahthlak zaten lungkhat thinkhat pu in ke kan kar tlang thiam ding hi a thupibik.

Cui dinhmun kan thlen tikah cun hrilawknak khal ah kan tling ringring thei. Hmailam feh dan ding thu ah, Chin Party neitu cu Chin mipi kan si bangin, mipi duhdan in kekar ih feh vivo a si ding.

Chin lungput diktak neitu cun miphun damnak MEIFAR mihter siang kan um lo ding. Curuangah hi Meifar cu Chin miphun kan um kulhsung tesin fahlang san tiang, mit loin a alh a hliau deuhdeuh ding.

Chinram le miphun humhim ih cawisangtu Cung Pathian pekmi hnangam daihnak nan hnenah um hram seh.

Pu San Thawm Thang (S CAM, CNLD)
Tuitum kan hril awknak ah S CAM tohkham ka zuam nak ah CNLD dinpi tu kan Chin mino,nulepa mipi pawl nan duhthusam dinhmun ka lo thlenpi thei lo hi pawi ka ti zet,ngaithiam nak ka lo dil hai .

Sihmanseh la thanau hlah uh vote tam bik ngah tu silo hman seh la sumpai ih lei theih lo mi kan lungrual nak hi a man a khungtuk tuhi Foundation lungphum kan phum thok fang asi lungrual ten ke kan kar tlang ding ih nehnak cu kan hnen ah a ra kir sal leh ko ding a si.

Nan thazang sumpai thinlung ruahnak nan bangnak hmuah hmuah hi kei in lo sam thei lo hman seh la,kan miphun hrang cemthei lo lungrual nak mankhung ah Pathian in thlua in suahsak hramseh law.
Ram pe miphun hrang ah theitop in hmai kan nawr sinsin ding ti’n…..

Salai Nhgepi Thian Uk Thang (Falam Amyotha hluttaw, CNLD)
* Rampi ih hrilawknak ah tel thei dingin i tuahtu Pathian,
* Vote 9000 lenglo in petu mipi pawl hnen ah siseh,
* Cutiih vote thei dingin Chin party a dinpitu le bulpak i duhdawtu ram sung/leeng um unau rualpi pawl,
* Myanmar ram le Chin miphun rian dingin Falam khuapi ah hrambun duhnak i nei tertu Falam hnahthlak zate le
* i vote lehtu ding ka laicinsempi unau zate hnen ah lungawinak sim cawk lo ka nei a si.

Pu No Tawk Kap (Kalay Township Pyituh hluttaw, CNLD)
Tui’ țum Myanmar rampi hrilawknak ih kuang ka hun venak ah thinlung tak tei’ i dinpitu Unau, sungkhat le rualpi țha, ram le miphun duhdawttu nan zate tlunah lungawi thu ka lo sim. Nan țuan bangnak pawl ka lo sam thei lo ding nan ziangkim tithei kan Bawipa in mal lo sawm sehlaw. Miphun sinak dinpi in theihtawp suah vivo uhsi. Ka lung a awi.

Leave a Reply

Your email address will not be published. Required fields are marked *