Falam peng ih Youth Conference tuah an tum cu soiseltu an tam

Rampi buai lai ah Falam peng ih FBA Youth Conference neitum cu tualsungum mipi ṭhenkhat khalin siseh, raltlan dinhmun in remleng ih beutu mino pawl khalin nasaten an soisel a si.

FBA Youth Conference cu May 27 ihsin 31 tiang Lumte khua ah tuah an tum tiah theih a si ih, hih thuthawn pehparin Falam mino pakhat cun “2021 September thla ih tuahtummi US, Chin Kumthar puai tuah ding thu ah Falam Pacangno Pawlkom (USA) cun April 27/2021 ah duhlonak langterin thusuahnak an rak nei. Cumi thu ah lungkimpitu mipi tamzet an um ih, thudik nan phuang a si rak titu khal an um”.

“Atu cu US sim lo, Falam peng, Lumte khua ah May 27 ihsin 31 tiang FBA Youth Conference nei an tum. Hih thiltuahtum mi hi tulai kan boruak thawn miawlo zetin kan hmu.”

“Kan mino pa/nuralṭ̣ha tampi cu ram leh miphun hrangah tiin an nunnak tiang a liam. Kan mino ṭha tampi cu kaihkhih ṭih ah Le nunnak humhim aw ding ah sukso ah an tlan”.

“Kan mino ṭha tampi cu hringtu nu le pa Inn hmanah um lo in ram leh miphun hrangah tim an tuah. Culaiah Youth Conference rak tuahtum cu kan boruak thawn a milawlo zetin kan hmu ih thazang in dong tertu ah tla a cangsawn pang ding ti a phan um zet” a ti. (FLT)

Leave a Reply

Your email address will not be published. Required fields are marked *