Falam peng huap thuthan : Theihternak

Kum (5) hnuai lam nauhak pawl le naupai nu pawl dam lo tik ah Falam khua sung ih Venus Clinic ih hmuh aw a si len Sii Bawi hmuh man, Sii man pawl a lak in tuamhlawm an si ding.

Hmuh aw theih mi nikhiah cu May 16, 2021 in a thok zo ih Kawlram rampi buai nak a dai hlan sung tiang a si ding. A si nan, Falam khuasung a buai vutvo pang a si ah cun thu hla a dang lam sal thei ih thuhla a dang lam sal a si pang len than awk leh sal a si ding.

Hi mi Program cu Save The Children (Falam ih NGO pakhat) le Venus Clinic ṭuan tlang in tuah mi a si. A hlei ce in Lai khua lam um mi pawl hrang co-uu pek ih tuah mi a si. A si nan, Falam khuasung ih harsa hleice deuh pawl hrang cu ruat sak an si thotho ding. Cuih tlun ah Lai khua lam in Venus Clinic, Falam ih a hmuh aw tu dam lo ngaingai a si mi nauhak kum nga tang le naupai pawl hrang ah an feh sukso man timlam sak mi a um bet ding.

Hmuh aw theih mi ni pawl:
Tlawngkai nikhat in Zarhte ni tiang

Hmuh aw ding caan:
1:00 pm – 3:00 pm

Hminsin : A tlun ih tarlang mi sung ih tel thei nak ding hrang ah Kum (5) hnuai lam ti tik ah dam lo menmen le nauhak vitamin pek nak ding hrang fangfang lawng ti vek cu a ngah lo ih naupai nu pawl khal a dang tlaitluan nat nak (Tahtthimnak : zun thlum nat, thisen sang nat….tvk…pawl) a nei cia ih nau a pai tu dam lo pawl lawng a theih.

Leave a Reply

Your email address will not be published. Required fields are marked *