Falam peng Doawknak hin Chin mipi mit vang ter hram seh

2021 Dothlengnak thuthawn pehpar in Chin ramkulh sung kahdonak thu ah kan dung hrawngah online ah zio nei zetih ṭongsanawknak hmuh ding a tam zet.

Pengdang tlangdang cu retta hrih in mah pengsung ciocio ah zoh mawi lo, theih mawi lo ṭongsanawknak hmuh ding a tamzet.

Hmaisabik ah hivek ṭongsanawknak hin thilṭha a suah pi lo tihi kan thei hmaisa a poimawh. Pahnihnak ah nunnak liam tiang kan ram hum leh tuding Chin paralṭha ziangsiarlo vekih rak ṭongsan cia thawn khal a bangrep a si.

Thil thupi pakhat tuahsuak dingah kan umnak kan dinhmun i zirin ciamciam ten ciangvaih ṭulnak a um ih atak ih cangsuak a si leh tikah a rak ṭongtu ringri mualpho sawnnak khal a si.

Atuah, Soisel hawlh zet (mimal) CNDF in ciamciam ih timtuahnak nei in a hran ten cangvainak a nei ngaingai tikah “tuai an si” tiih rak ṭongsantu pawl cu mai ciil phui cia liak fai sal vek ah an cang. Cucu direm lam siloin thilsidaan taktak sawn a si.

Zio nei zetih ṭongkam rak thlahdahtu pawl khal nunnak liam tiang Chinram humngamtu Paralṭha Salai Cung Nawl Piang ziangsiarlotu vekah an cang thluh.

Curuangah fumfe zetih tuahṭulmi thilpakhat a cang hlan ah mah zumhmang men le ṭongkam thlahdah zetih ṭonghluhhlo hmurka neitu si lo dingin tuṭum Falam peng Doawknak hin Chin mipi mit vang ter hram seh.

Kan do mi ralLian le kan hmuitinmi cu pakhat an si timi theihhgilhloten ……….. Chinram Duhdawttu ….

Leave a Reply

Your email address will not be published. Required fields are marked *