Falam peng, Congṭhe khuami Mawṭaw driver an kap that

Nunrong ralhraang SAC ralkap in Falam peng, Congṭhe khawmi mawṭaw driver an kap that ih a ruak an urkaang tiah theih a si.

An that nak hmun hi Sithar khua kiang ah a si ih, Kalay ihsin thil phur mawṭaw thawn Falam an pan lai ah ralhraang ralkap pawl in an kai tiah an sim.

“Kalaymyo ihsin Falam pan mi thil phur mawṭaw cu April 12 ah Sithar khua kiangah ralhraang ralkap pawl in an kai”.

“Mawṭaw driver an kap that ih a hmun ah a ruak an urkaang cih. Amah hi Falam peng, Congṭhe khawmi a si” tiah CNDF Spokesperson Cung Ngai in a tarlang.

Thil phur mawṭaw an kai mi ah minung ziangzat an to timi cu felfaiten tarlang a si lo nan, mawṭaw thluntu zaten an hlo thluh tiah theih a si.

Atufang Lairawn boruak a sosang ih ralhraang SAC ralkap pawl hmun hranhran ah an vak darh ruangah khualtlawng sukso tikah ralringten um cio dingin mipi humtu ralkap in mipi ralrin peknak an suah.

Leave a Reply

Your email address will not be published. Required fields are marked *