Falam palik pakhat CDM ah tel thok

SAC ralhraang cangvaihdan lungtonglotu Falam palik pakhat cun CDM ah a tel thok thu a phuang ih CMD ih a tel nak san tarlang in theihternak ca a pholang cih.

CDM ih a tel thok thu theihternak a tuah mi ah Falam khuasung palik sakhaan ih palik pakhat a si thu, 2021 May 10 in CDM ah a tel thok thu, Palik pakhat ih thlun dingmi phungdaan pahbal in SAC ralhraang hnuai ih hnaṭuan a duh lo thu le mipi hriltlinmi cozah in rampi ukhruai thuneihnak a la thei hlan sung, palik ṭuan a tum nawn lo thu pawl a tarlang.

Tuizarh sungah rampi huap in cozah hnaṭuan CDM ih telthoktu hmuh ding an um phahphah ih mipi dinmi khuatlang ukhruainak pawlkom khalin lungpanten an cohlang hai.

Asinan, mipi lak ahcun hmuhdan phun 2 a um ih mawhneilo mipi hizat liangluang thih hnu lawngih mipi lamṭang tivek cu cohlang ding an silo hlei ah Dalan khal an si thei ti`n hmuhdan tarlangtu an um bangin mahle nuntu khuasaknak cio ah harsatnak phunphun neicio kan si ih ziangruangah tulawngah CDM ah a tel tikhal kan ruat sak thiam ṭul. Curuangah tuhnu khalah CDM ih telduhtu zozo khal cohlang ding an si ko. Mipi thazang a cak sin tinak si ko titu khal an um a si.

Leave a Reply

Your email address will not be published. Required fields are marked *