Falam palik in Mipi kut an thlak hnu ihsin thok, CDM i teltu an pung

Falam palik in February 28 i duhphorhnak neitu Falam mipi an cil hnu ihsin thok, Cozah hnaṭuan CDM teltu an pung ih zungpihuap zawng in CDM ah kan telve timi theih ternak capi suahtu khal an pung vivo.

Tualsungum mino hruaitu pakhat cun “Falam mipi in CDM hrang lamzawh duhphorhnak kan nei zar ah le ramsung ramleng pawlkom Facebook cahmai siseh, bulpak FB cahmai tvk i sawnawknak siseh, leitlun kilkip ih um zumtu pawl ih thlacamnak zar ah Falam cozahzung hnaṭuan CDM ih telthoktu hmuh ding an um vivo.”

“Cucu, lungrual zetin hmai kan nor ruangah a si ih beidong lo ih hmaikannor mi i rahsuahmi a si tikhalin kan sim thei. Hmailam khalah hihnakih cak sin dingin hmalak kan tum vivo ding” a ti.

Ralkap uknak hnukthlak tum in Falam Fimzirzung lam in siseh, Harhdamzung lam tvk khalin CDM i teltu cazin an suah rero zo ih, March thlathok in CDM i tel thoktu le zungpihuap zawngin CDM teltu cazin pawl cu …

1. Falam GAD zung in hmiasabik CDM i teltu – Rebecca

2. Falam စာတိုက် zung ih hnaṭuan 8 in CDM ih an tel thu theihternak capi an suah.

3. Falam BEHS -1 tlawng ih saya/sayama 17 in CDM ih an tel thu theihternak capi an suah.

4. Falam MPT zung ih hnaṭuan 6 in CDM ih an tel thu theihternak capi an suah.

5. Falam BEHS -2 tlawng ih saya/sayama 36 khalin CDM ih an tel thu theihternak capi an suah.

6. Falam Thingramzung ih hnaṭuan 31 in CDM ih an tel thu theihternak capi an suah.

7. Falam Union Election Commission zung ihsin mipali in CDM ih an tel thu theihternak capi an suah.

Leave a Reply

Your email address will not be published. Required fields are marked *