Falam NLD party nehnak co dingih ṭuanvo latu Pu Nung Thawng Anka

Falam NLD party nehnak co dingih ṭuanvo latu Pu Ngun Thawng cun 2020 Myanmar ram hrilawkpi ah hmaihruai party si thei ding ih vote a pe tu ramsung ramleng mipi hnen ah lungawi thusimnak a nei.

Amah cun “Tuikum hrilawk nakih Falam NLD party nehnak co dingah ṭuanvo pekmi ka si bangin party ṭantu ramsung ramleng le vote a petu Falam mi hmuahhmuah nan kut lo kai in ci bai ka lo buk” a ti.

Nikhua sia/ṭha ti ruat loin NLD party cak thei dingih khuate sukso ih vaktu party sungṭuan hmuahhmuah hnen khal ah lungawi thusimnak a nei.

“Thla hnih sung a sur a sa ti lo le a sun a zanin taimak suahtu hmuahhmuah par khalah lungawi thu ka lo sim.
NLD party in kan ram le mipi seherhmi a kim theinak dingah kan vision neihmi pawl mipi lo ronin kan tithei tawkih kan zuam ding thu khal kan lo theih tir hai”

“Mipi khalin ruahnak ṭhaṭha in pek ding le in ṭanpi ding khal kan beisei” ti`n, Pu Ngun Thawng cun khua le ram ṭhangsosin dingin zuamsin an tum thu le mipi hnen ih lungawi thusimnak cu a mai bulpak Facebook cahmai ah a ngan a si.

Leave a Reply

Your email address will not be published. Required fields are marked *