Falam Mino pawl in Ralkap Uknak dokalh duhphorhnak nei

Myanmar cozah thuneihnak laktu ralkap dokalh duhphorhnak cu Myanmar rampi huap in mipi tingtel in lamzawh duhphorhnak an nei ih Falam khalah FMP hohanak in mino rual in lamzawh duhphorhnak an nei ve.

February 7 sun hnu ah Falam Baptist biakinn thlang/tang ziinpi in an ṭan thok ih Cinmual Vankau lam tiang lamzawh duhphorhnak an nei mi a si.

“Mizaan lam in kan sim than aw cia theilo. Asan cu ralkap cozah in mizaan ihsin rampi huap internet a phit thluh tikah nidang vekin online ah kan pehtlaihaw thei hai lo.”

“Nan, ruahhnakin kan suak tam pam. Minung 50 luan in lamzawh duhphorhnak kan nei ih zaanlam nazi 5 hrawng ah kan ṭannak hmun in ka titawp” tiah lamzawh duhphorh neinak ih telvetu mino pakhat in a ti.

Duhphorhnak ah ralkap dokalhnak cangan keng phah in lam an zawh ih “ralkap uknak kan duh lo, Zalennak cu mipi pianvo a si” tiah au phah in Falam mino pawl in duhphorhnak an nei a si.

zuk : Kabia Saya

Leave a Reply

Your email address will not be published. Required fields are marked *

error: hahahahahaha !!