Falam mino 2 kai dingin Palik in thu an suah

Falam lamzawh duhphorhnak ih hotu mino 2 cu Falam palik in kai dingin March 12 ah thu an suah tiah theih a si.

Falam ih upa **** pakhat cun “lamzawh ruangah kai an tum hi a si. Lamzawh duhphorh pawl an khing ṭheu nak pukmah 505 (a) thawn an khing. Palik pawl cun duhduh tikah kan kai thei ih kan kai ngah hrih lo ruangah an hmin pawl kan phuang duh hrih lo tiah an sim” a ti.

Falam mino hruaitu tamsawn cu palik ralkap kaih phang ah le mihek hmang pawl ṭih in zaan ah hramlak ah an riak ṭheu ih sunvang lawngah lamzawh duhphorhnak ah an suak ṭheu.

Hih thuthawn pehparin hminthup Falam mino pakhat cun “Kaih ding cu kan phang. Asancu Dothlennak hrangah mino thazang a mal ding kan phan ruangah a si. Atakcun Dothlennak hrangah thisen suak khal kan ngam. Atuih Falam palik in kaih ding an timi khal hi zo in thubuai a tuah ter ih zo pawl an si tikhal kan thei ciang. Kan nih lam cun thazang khawl kan ṭul ruangah kaihkhih ding cu cang thei tawkin kan hrial tum” a ti.

Falam ih lamzawh duhphorhnak ah hin pukmah 505 (a) thawn mi 3 kaihkhih an si zo ih court lam khalah suahpi an si zo tiah theih a si.

Leave a Reply

Your email address will not be published. Required fields are marked *