Falam, Matubuk Veng ih Pastor Thang Hre Mang (GBC) in Mual in Liam san

Falam Sizungpi ah tu zaan 9:10 ah Gospel Baptist Church (Hermon), Matubuk Veng ih Pastor ṭuan lai Pastor Thang Hre Mang (Kum – 33) in mual in liam san.

A mah cu Falam Sizungpi ih Covid ruang ih thi a panga nak a si. A nupi, Fapa pakhat le fanu pakhat a tanta tiah theih a si.

Falam ah Covid nathrik a karh cak zetih June thla thok ihsin nitinten Covid mina an hmu ih June thlasung ah nat neitu 100 luan an hmu thlang a si.

COVID-19 ruangih Falam peng sungah a thimi cu:

June 2 ah Pi Zing Rem Thluai (Kum 53), June 12 ah Rev. Piang Bik (Ramthlo- Kum 51) le Pi Khawfeli (Rihkhawdar- Kum 81), June 13 ah Pu Sui Ceu (Kum 67), June 16 ah Mai Lal Muan Kim (Kum 27) le June 18 ah Pi Za Nawn Kai (Kum 79), June 19 ah Pastor Thang Hre Mang (Kum – 33) pawl an si ruangah Falam khuasung ihsin mi 5, Falam pengsung ihsin mi 7 an thi zo a si.

Leave a Reply

Your email address will not be published. Required fields are marked *