Falam, Lungpi Ciinthlak tlawng ih Quarantine luttu Midam sinak Capi pek, mah le umnak ciar ah tlungter

Falam, Lungpi Ciinthlak tlawng ih Quarantine luttu, mipum 36 pawl cu Quarantine nikhiah tikcuu ah an taksa par ih Covid 19 natnak an hmulo ruangah ṭuanvo neitu pawl in midam sinak capi an pek ih, an mah le umnak cio ah an tlung terzo thu theih a si.

Quarantine luttu mipum 36 pawl cu India ram, hmun dangdang ih Bible tlawngkai le Mizoram ih hnaṭuan tlung an siih July 2 ah Myanmar ram ah an thleng.

Covid 19 boruak lai a si vekin coronavirus karhzaai lo dingin Myanmar ramri an luh zawng ah nahrik check nak an nei ta ih, cuhnu ah Rihkhawdar khua an an lut.

Rihkhawdar ihsin Falam, Lungpi ah July 3 zaanlam ah an thleng ih cozah thusuah vekin ni 21 sung, Lungpi Ciinthlak Tlawg ah Quarantine lutter an siih, tuah Quarantine nikhiah tikcuu kimzo ruangah le an taksa par ah Covid 19 nathrih an hmu lo ruangah ṭuanvo neitu pawl in mahle umnak cio ah an tlungter a si.

zuk & ref:MRTV

Leave a Reply

Your email address will not be published. Required fields are marked *