Falam le Mindat ah kahdonak a suak ih mipi humtu lam ah nunnak liam an um

Tuni, July 24 ah Chin ramkulh, Falam peng le Mindat ah mipi humtu ralkapbu le SAC ralhraang an kapaw ih ralhraang 20 hrawng an thi tiah theih a si.

Mindat-CDF le SAC ralhraang thurelrem theilo cu July 20/21 ah an kapaw thok ih, tuni July 24 tiangah Mindat-CDF mino 3 in nunnak an hlan a si.

Ralhraang lam khalah nunnak liam an um ih, tuizing July 24 doawknak khalah ralhraang a thimi mipum 20 hrawng an um tiah theih a si.

Nunnak liam CDF mino 2

Falam peng khalah tuni, July 24 ah SAC ralhraang le CNO/CNDF an kapaw tiah thuthang a suak nan mithi le hriam tuar um zat cu ṭuanvoneitu in tlangthannak an nei hrih lo.

Falam-Hakha ramri ah July 20 ah SAC ralhraang le CNDF an kapaw ih kiangkap naivai khuami tamzet cu Inn le Lo suah san in hmunhim ah an beu.

Culaiah SAC ralhraang pawl cu Ṭaal khua ah an lut ih inn 21 hrawng an boh hlei ah thilri an fir mi le an siat suah ta mi cu Kyat ting 150 man hrawng a kim a si.

Leave a Reply

Your email address will not be published. Required fields are marked *