Falam khuasung Tlawnginn hmun 2 ah Bomb puak

May 26 ah Chin ramkulh, Falam khuasung ih Tlawnginn hmun 2 rori ah bomb a puak tiah theih a si ih bomb puak nak ruangih hriam tuar cu an um lo.

Bomb puak nak cu Cinmual veng ih um BEHS No. 2 (အထက ၂) le Lampa ih အမက 5 Tlawnginn pawl ah an si.

“Nikhua sia thawn khuari men ah kan ruat ih khua vang hnu lawngah thuhla umdan kan thei ciang. Khuasung hmun 2 rori ah a puak ih bomb puahtu cu an thei lo” tiah Falam ih um mipakhat in a ti.

Bomb puaknak Tlawnginn zuk cu online ah a darh ih rangva, sangkapi, sangkate le phar pawl khal siat tam zetin a lang.

Chin ramkulh fimzirzung in ralkap ukhruainak hnuai ih Tlawngap tumtu pengṭhen mipum umzat an phuang hnu nithumnak ih bomb puak a si ih, tuhrih tiangih cazin suakmi ah Falam peng hi Chin ramhuap Tlawngap tumtu cazin pek tambiknak pengṭhen a si.

Leave a Reply

Your email address will not be published. Required fields are marked *